divyabharatnews@gmail.comAhmedabad News :અમદાવાદ અસલાલી રોડ પર આજે વહેલી સવારે લગભગ 5:00 વાગ્યાની આસપાસના સુમારે અસલાલી હાઈવે પર ખૂબ જ ગંભીર અકસ્માત સર્જાયો હતો
Ahmedabad News :અમદાવાદ અસલાલી રોડ પર આજે વહેલી સવારે લગભગ 5:00 વાગ્યાની આસપાસના સુમારે અસલાલી હાઈવે પર ખૂબ જ ગંભીર અકસ્માત સર્જાયો હતો. અક્સ્માત થતાં છોટા હાથીચાલકનું ઘટના સ્થળ પર જ મૃત્યુ થયું હતું. એક ઇંટો ભરેલી ટાટા ટ્રક હાઈવે પર પંચર પડતા વચ્ચે જ ઉભેલી હતી. એ પંચર ભરેલી ટ્રક મદદ કરવા માટે બીજી ઈંટો ભરેલી ટ્રક થોડા અંતર પછી વચ્ચે જ ઊભેલી હતી. પરંતુ આ ઊભેલી ટ્રકની પાર્કિંગ લાઈટ પણ ચાલુ ના હતી કે એમને કોઈ પણ જાતનું રોડ સ્ટ્રોપર લગાવીને સિગ્નલ મૂકેલું ન હતું.
જેથી છોટા હાથી ચલાવનાર ડ્રાઇવરને આગળ ઈંટો ભરેલી ટ્રક સાથે જોરથી અથડાઈ જતા ગંભીર અકસ્માત સર્જાયો હતો. અથડાતાની સાથે જ ઘટના સ્થળ ઉપર જ છોટા હાથી ચાલકનું મૃત્યુ નિપજ્યું હતું. મળતી માહિતી મુજબ છોટાહાથી ચાલકનું નામ મેહુલભાઈ ડાભી હતું અને તેમની ઉંમર વર્ષ 25 હતી અને તેઓ અમદાવાદના રહેવાસી હતા. ત્યારે આ અકસ્માતને લઈને અસલાલી પોલીસ સ્ટેશનથી તપાસ કરવામાં આવી રહી છે કે આ અકસ્માત કેવી રીતે સર્જાયો હતો.
admin