Gandhinagar Breaking news : 5 દિવસ કામ, AC, જૂની પેન્શન યોજના: સચિવાલય ફેડરેશને કહ્યું માંગ નહીં સ્વીકારો તો કરીશું આંદોલન
Gandhinagar Breaking news : સચિવાયલનાં કર્મચારીઓએ માંગ ઉચ્ચારી છે કે, સપ્તાહમાં કામનાં દિવસ 6 થી ઘડાટી 5 દિવસ કરવા માંગ કરી છે. ફાઈવ ડે વીક ઓફ આપવા સચિવાલય ફેડરેશનની માંગ કરવામાં આવી છે. તેમજ 19 પડતર પ્રશ્નોને લઈ ફેડરેશનને આવેદનપત્ર સોંપ્યું છે.
Gandhinagar Breaking news : સચિવાલયના કર્મચારીઓની માગ
સપ્તાહમાં કામના દિવસ 6થી ઘટાડી 5 કરવા માગ
ફાઇવ ડે વીકઓફ આપવા સચિવાલય ફેડરેશનની માગ

Gandhinagar Breaking newsભારત સરકારનાં પર્સોનલ અને ટ્રેઈનિગ ડિપાર્ટમેન્ટના 21 મે 1985 ના ઓફિસ મેમોરેન્ડમને ટાંકી ગુજરાત સરકારને ટાંકીને અહીં ગુજરાત સરકારે પણ કર્મચારીઓની કાર્યક્ષમતામાં વધારો કરવા સરકારની કચેરીઓ માટે અઠવાડિયાનાં પાંચ દિવસ એટલે કે ફાઈવ ડે વીક સિસ્ટમને અમલમાં મુકવા માંગણી ઉઠી છે.
“ફાઈવ ડે વીક” ઉપરાંત મોંઘવારી ભથ્થામાં ચાર ટકાનો વધારો કરવાની માંગ
આ બાબતે શનિવારે ગુજરાત સચિવાલય ફેડરેશને શનિવારે મુખ્યમંત્રી ભૂપેન્દ્ર પટેલને ત્રણ આવેદનપત્રો પાઠવ્યા હતા. જેમાં “ફાઈવ ડે વીક” ઉપરાંત જુલાઈ 2023 ની અસરથી મોંઘવારી ભથ્થામાં ચાર ટકાનો વધારો કરવાની પણ માંગણી કરવામાં આવી હતી.
આવેદનપત્રમાં 19 જેટલા પડતર પ્રશ્નોની યાદી સોંપવામાં આવી
સચિવાલયનાં અધિકારીઓ દ્વારા આપવામાં આવેલ આવેદનપત્રમાં 19 જેટલા પડતર પ્રશ્નોની યાદી પણ સોંપવામાં આવી હતી. જેનો ઝડપી ઉકેલ લાવવા માટે તેમજ અગાઉનાં આવેદનપત્રોનાં જવાબ ન મળતા અધિકારીઓમાં નારાજગી જોવા મળી હતી. તેમજ અધિકારીઓ દ્વારા ગાંધી ચિંધ્યા માર્ગે આંદોલન કરવાની ચીમકી ઉચ્ચારી હતી.
બે દિવસ દરમ્યાન કચેરી અને અન્ય ખર્ચાઓમાંથી બચત થશે
ત્યારે સચિવાલય ફેડરેશને ગુજરાત સરકારની કચેરીઓમાં ફાઈવ ડે વીક ની માંગણી બાબતે જણાવ્યું હતું કે, બે દિવસ દરમ્યાન કચેરી તેમજ અન્ય ખર્ચાઓમાંથી બચત થશે. જેમાં પાયાની સુવિધાઓ જેવી કે, વીજળી, પાણી અને પરિવહનનો સમાવે થાય છે. તેમજ શનિવાર અને રવિરારનાં દિવસમાં સરકારી કર્મચારી અને અધિકારીઓ પરિવાર સાથે સમય પસાર કરી શકશે. ગુજરાત સરકારની ચિંતન શિબિરોમાં તેમજ પૂર્વ કર્મચારીઓની કાર્યક્ષમતા સંદર્ભે યોજાતા સેમિનારોમાં સરકારી અધિકારી તેમજ કર્મચારીઓ માટે પાંચ દિવસના સપ્તાહની ચર્ચા વિચારણા પણ કરવામાં આવી છે.