Ahmedabad News :વાસણામાં ખોડીયાર નગર પાસે પોલીસ જવાને નશાની હાલમાં અકસ્માત કર્યો છે, નશાની હાલતમાં પરિવાર પર ગાડી ચડાવી દીધી હતી
Ahmedabad News :અમદાવાદમાં કાયદાનું રક્ષણ અને પ્રજાની સુરક્ષાની જવાબદારી જેના સીરે છે એ અમદાવાદ પોલીસ ચર્ચામાં આવી છે. આજે ફરી એકવાર ખાખી પર ડાઘ લાગ્યો હોઈ તેવી ઘટના સામે આવી છે. વાસણામાં ખોડીયાર નગર પાસે પોલીસ જવાને નશાની હાલમાં અકસ્માત કર્યો છે. નશાની હાલતમાં પરિવાર પર ગાડી ચડાવી દીધી હતી. બાળક સહિત ત્રણ લોકો ઇજાગ્રસ્ત થતા સારવાર માટે હોસ્પિટલમાં ખસેડવામાં આવ્યા છે.
અમદાવાદમાં નશામાં ધૂત પોલીસ જવાને પરિવાર પર કાર ચડાવી દેતા હડકંપ મચ્યો છે. અમદાવાદમાં વાસણામાં ખોડીયાર નગરપાસે આ ઘટના બની છે જ્યા પોલીસ જવાને નશો કરી કાર ચલાવી હતી. નશામાં એટલો ધૂત હતો કે તેણે સ્ટેયરિંગ પરથી કાબુ ગુમાવી દીધો હતો. અને બાળક સહિત ત્રણ જણા પર કાર ચડાવી દીધી હતી. ઇજાગ્રસ્તોને સારવાર માટે હોસ્પિટલમાં ખસેડાયા છે. અકસ્માત કરનાર ચાલકની કારમાંથી પોલીસની પ્લેટ મળી આવી છે. અકસ્માત કર્યા બાદ પોલીસ જવાન નાસી છુટ્યો હતો.
અમદાવાદ પોલીસ ચર્ચામાં રહી હોય તેવો આ પહેલો કિસ્સો નથી અગાઉ આનંદનગર વિસ્તારમાં નશાની હાલતમાં પોલીસકર્મી જોવા મળ્યો હતો કાર સાઇડમાં પાર્ક કરીની પોલીસકર્મી નશાની હાલતમાં ઊંઘતો જોવા મળ્યો હતો. જેનો વિડિયો પણ સોશિયલ મીડિયામાં વાઇરલ થયો હતો. વીડિયોમાં પોલીસકર્મી સફેદ કલરની ગાડીમાં દારૂની બોટલ સાથે ઊંઘતો ઝડપાયો છે. ગાડીમાં આગળ પોલીસ લખેલી પ્લેટ પણ જોવા મળી હતી.