divyabharatnews@gmail.comWeather Update :રાજ્યવાસીઓએ હજુ આકરી ગરમી સહન કરવી પડશે તેવી આગાહી હવામાન વિભાગે કરી છે
Weather Update :રાજ્યવાસીઓએ હજુ આકરી ગરમી સહન કરવી પડશે તેવી આગાહી હવામાન વિભાગે કરી છે. ત્યારે હવામાન વિભાગે રાજ્યમાં આકરી ગરમી પડવાની આગાહી કરી છે. આગામી 5 દિવસ વાતાવરણ સૂકું રહશે. તો બે દિવસ કચ્છ અને સૌરાષ્ટ્રના કેટલાક વિસ્તારમાં હિટવેવની આગાહી કરવામાં આવી છે. જેને લઈને સૌરાષ્ટ્ર અને કચ્છમાં યલો એલર્ટ આપવામાં આવ્યું છે. એટલું જ નહીં રાજ્યમાં ગરમીનો પારો 41 ડિગ્રીને પાર પહોંચ્યો છે.
રાજ્યના 10 શહેરમાં 39 ડિગ્રી પારો નોંધાયો હતો. તો ભુજ, રાજકોટ અને સુરેન્દ્રનગરમાં 41 ડિગ્રી ઉપર પારો પહોંચ્યો છે. તેમજ અમદાવાદ અને ગાંધીનગરમાં સિઝનનું સૌથી વધુ 40 ડિગ્રી તાપમાન નોંધાયું છે. હવામાન વિભાગની આગાહી પ્રમાણે રાજ્યમાં હજુ ગરમી યથાવત રહેશે. ઉનાળાની શરૂઆતમાં જ આ પરિસ્થિતિ સર્જાઈ છે તો આગામી સમયમાં આ પારો કેટલે પહોંચશે તે જોવાનું રહ્યું…..
admin