divyabharatnews@gmail.comAhmedabad News :વટવા જીઆઇડીસી વિસ્તારમાં રહેતા પડોશી યુવકે સગીરાને પ્રેમ સંબંધમાં ફસાવી હતી અને લગ્નની લાલચ આપીને તેની સાથે દુષ્કર્મ આચર્યું હતું
Ahmedabad News :વટવા જીઆઇડીસી વિસ્તારમાં રહેતા પડોશી યુવકે સગીરાને પ્રેમ સંબંધમાં ફસાવી હતી અને લગ્નની લાલચ આપીને તેની સાથે દુષ્કર્મ આચર્યું હતું. ત્યારબાદ યુવકે સગીરા સાથે લગ્ન કરવાનો ઇન્કાર કરી દીધો હતો. આ ઘટના અંગે વટવા જીઆઇડીસી પોલીસે શખ્સ સામે પોક્સો સહિતની કલમ હેઠળ ફરિયાદ નોંધીને તેની ધરપકડ કરીને વધુ તપાસ હાથ ધરી છે. પડોશમાં રહેતા યુવક સામે વટવા જીઆઇડીસી પોલીસે પોક્સો, અપહરણ કલમ મુજબ ગુનો નોંધી વધુ તપાસ હાથ ધરી.
વટવામાં રહેતી ૧૪ વર્ષીય સગીરાની માતાએ વટવા જીઆઇડીસી પોલીસ સ્ટેશનમાં પડોશમાં રહેતા શખ્સ સામે ફરિયાદ નોંધાવી છે કે યુવક પડોશીના સંબંધીનો પુત્ર છે અને તે પાડોશીના ઘરે રહેતો હતો તેમજ વટવા જીઆઇડીસીમાં મજૂરીકામ કરતો હતો જેથી તેની મુલાકાત સગીરા સાથે થઇ હતી. બાદમાં બંને વચ્ચે પ્રેમ સંબંધ બંધાયો હતો. સગીરા અને યુવક એક બીજા સાથે ફોન ઉપર વાતચીત કરતા હતા અને હરતા ફરતા હતા. યુવકે તેને લગ્નની લાલચ આપીને ડાકોર પાસે પોતાના વતનમાં લઇ જઇને દુષ્કર્મ આચર્યું હતું.
થોડા દિવસો બાદ બંને વચ્ચે ઝઘડો થતા યુવકે સગીરાને લગ્ન કરવાની ના પાડી દીધી હતી. ત્યારબાદ સગીરા પરત તેના માતા-પિતા પાસે આવી હતી અને આ હકીકત જણાવી હતી. આ બનાવ અંગે વટવા જીઆઇડીસી પોલીસે યુવક સામે પોક્સો, અપહરણ સહિતની કલમ હેઠળ ગુનો નોંધીને આરોપીની ધરપકડ કરીને પુરાવા એકઠા કરીને વધુ તપાસ હાથ ધરી છે.
admin