divyabharatnews@gmail.comસાનિયા મિર્ઝાના દિકરા ઇઝહાને સ્કૂલે જવાનું બંધ કર્યું:પિતા શોએબ મલિકના ત્રીજા લગ્નના કારણે વિદ્યાર્થીઓ ક્લાસમાં પરેશાન કરી રહ્યા છે
સાનિયાએ એક સોશિયલ મીડિયા પોસ્ટમાં તેના પુત્ર અને તેની બહેન અનમ મિર્ઝાની પુત્રી દુઆની એક તસવીર શેર કરી, જેમાં તેમને તેની ‘લાઇફલાઇન’ કહી હતી.
સાનિયાએ એક સોશિયલ મીડિયા પોસ્ટમાં તેના પુત્ર અને તેની બહેન અનમ મિર્ઝાની પુત્રી દુઆની એક તસવીર શેર કરી, જેમાં તેમને તેની ‘લાઇફલાઇન’ કહી હતી.
સાનિયાના તલાક અને શોએબ મલિકના ત્રીજા લગ્ન બાદ તેના 5 વર્ષના પુત્ર ઇઝહાન મિર્ઝા મલિક પર તેની અસર થતી હોવાનું જણાય છે. પાકિસ્તાની પત્રકાર નઈમ હનીફે હાલમાં સમા ટીવીને આપેલા ઈન્ટરવ્યુમાં સાનિયા સાથે વાત કરી હોવાનો દાવો કર્યો હતો. હનીફના કહેવા પ્રમાણે, ઇઝહાનને તેની સ્કૂલમાં એટલી હદે હેરાન કરવામાં આવી રહ્યો છે કે તેણે ક્લાસમાં જવાનું બંધ કરી દીધું છે.
નઈમ કહે છે કે, સાનિયાએ તેના પુત્ર ઈઝહાનના માનસિક સ્વાસ્થ્ય અંગે ચિંતા વ્યક્ત કરતા જણાવ્યું હતું કે તેના પિતાના ત્રીજા લગ્નને લગતા સમાચાર તેને માનસિક રીતે પરેશાન કરી રહ્યા છે. મીડિયા રિપોર્ટ્સ અનુસાર, સાનિયા તેના હોમટાઉન હૈદરાબાદ પરત ફરી છે.
શુક્રવારે સાનિયાએ એક સોશિયલ મીડિયા પોસ્ટમાં તેના પુત્ર અને તેની બહેન અનમ મિર્ઝાની પુત્રી દુઆની એક તસવીર શેર કરી, જેમાં તેમને તેની ‘લાઇફલાઇન’ કહી.
શોએબે બે અઠવાડિયા પહેલા ત્રીજા લગ્ન કર્યા હતા
પાકિસ્તાન ક્રિકેટ ટીમના પૂર્વ કેપ્ટન શોએબ મલિકે બે અઠવાડિયા પહેલા ત્રીજા લગ્ન કર્યા છે. 41 વર્ષના શોએબે 30 વર્ષની પાકિસ્તાની અભિનેત્રી સના જાવેદ સાથે લગ્ન કર્યા હતા. શોએબે સના સાથે એક ફોટો શેર કરીને આ જાણકારી આપી હતી.
શોએબના પહેલા લગ્ન આયેશા સિદ્દીકી સાથે થયા હતા. તેની સાથે તલાક લીધા બાદ તેણે 2010માં પૂર્વ ભારતીય ટેનિસ ખેલાડી સાનિયા મિર્ઝા સાથે લગ્ન કર્યા. સાનિયાના પિતાએ કહ્યું કે તેમની પુત્રી ‘ખુલા પ્રથા’ હેઠળ શોએબથી અલગ થઈ ગઈ હતી.
શોએબ મલિક અને સના જાવેદે તેમના સોશિયલ મીડિયા એકાઉન્ટ પર લગ્નની તસવીર પોસ્ટ કરી હતી.
શોએબ મલિક અને સના જાવેદે તેમના સોશિયલ મીડિયા એકાઉન્ટ પર લગ્નની તસવીર પોસ્ટ કરી હતી.
લગ્નના 8 વર્ષ પછી પુત્રનો જન્મ
સાનિયા મિર્ઝા અને શોએબ મલિકના લગ્નના 8 વર્ષ બાદ 2018માં તેમના પુત્ર ઈઝહાનનો જન્મ થયો હતો.
સાનિયાએ પુત્રના જન્મ સમયે ટેનિસમાંથી દોઢ વર્ષનો બ્રેક લીધો હતો.
સાનિયાએ પોતાની આત્મકથા ‘Ace Against Odds’માં લખ્યું છે કે શોએબ તેના જીવનમાં એવા સમયે આવ્યો હતો જ્યારે તે પોતાની પ્રોફેશનલ લાઈફમાં સમસ્યાઓનો સામનો કરી રહી હતી.
સાનિયા મિર્ઝા અને શોએબ મલિકના પુત્રનું નામ ઈઝહાન છે. જેનો જન્મ 2018માં થયો હતો.
સાનિયા મિર્ઝા અને શોએબ મલિકના પુત્રનું નામ ઈઝહાન છે. જેનો જન્મ 2018માં થયો હતો.
5 મહિના સુધી ડેટિંગ કર્યા બાદ સાનિયા સાથે લગ્ન કર્યા હતા
સાનિયા-શોએબની પહેલી મુલાકાત વર્ષ 2004-2005માં ભારતમાં થઈ હતી. બંનેએ વધુ વાતચીત કરી નહોતી. બંને 2009-2010માં ઓસ્ટ્રેલિયાના હોબાર્ટમાં ફરી મળ્યા હતા.
સાનિયા ટેનિસ રમવા આવી હતી અને શોએબ તેની ટીમ સાથે ક્રિકેટ રમવા આવ્યો હતો. આ સમયે પાકિસ્તાનની ટીમ ઓસ્ટ્રેલિયાના પ્રવાસે હતી. અહીં તેમની ઓળખાણ મિત્રતામાં પરિણમી અને પછી મળવાનો સિલસિલો શરૂ થયો હતો.
લગભગ 5 મહિના સુધી એકબીજાને જાણ્યા બાદ બંનેએ 2010માં લગ્ન કરવાનો નિર્ણય લીધો હતો. સાનિયા અને શોએબે 12 એપ્રિલ 2010ના રોજ હૈદરાબાદમાં લગ્ન કર્યા હતા. 15 એપ્રિલે લાહોરમાં રિસેપ્શન સેરેમની યોજાઈ હતી.
શોએબ મલિક અને સાનિયા મિર્ઝાએ 12 એપ્રિલ 2010ના રોજ હૈદરાબાદમાં લગ્ન કર્યા હતા.
શોએબ મલિક અને સાનિયા મિર્ઝાએ 12 એપ્રિલ 2010ના રોજ હૈદરાબાદમાં લગ્ન કર્યા હતા.
સાનિયા મિર્ઝા અને શોએબ મલિકે તેમના લગ્નનું રિસેપ્શન પાકિસ્તાનના લાહોરમાં યોજાયું હતું.
સાનિયા મિર્ઝા અને શોએબ મલિકે તેમના લગ્નનું રિસેપ્શન પાકિસ્તાનના લાહોરમાં યોજાયું હતું.
admin