divyabharatnews@gmail.comગાંધીનગર શહેર તેમજ જિલ્લામાં દેશી વિદેશી દારૂની હેરાફેરી અને વેચાણ વધી રહ્યું છે ત્યારે સેક્ટર ૨૧ પોલીસ દ્વારા બાતમીના આધારે આદીવાડાના મકાનમાં દરોડો પાડવામાં આવ્યો હતો
ગાંધીનગર શહેર તેમજ જિલ્લામાં દેશી વિદેશી દારૂની હેરાફેરી અને વેચાણ વધી રહ્યું છે ત્યારે સેક્ટર ૨૧ પોલીસ દ્વારા બાતમીના આધારે આદીવાડાના મકાનમાં દરોડો પાડવામાં આવ્યો હતો અને મહિલા બુટલેગરના ઘરેથી વિદેશી દારૂનો જથ્થો જપ્ત કરાયો હતો. હાજર મળી નહીં આવેલી મહિલા બુટલેગર સામે ગુનો દાખલ કરીને તપાસ શરૂ કરવામાં આવી છે.
રાજ્યનું પાટનગર હોવા છતાં ગાંધીનગરમાં દારૂનું વેચાણ બંધ થતું નથી. નાના મોટા બુટલેગરો દ્વારા પર પ્રાંતમાંથી વિદેશી દારૂનો જથ્થો મંગાવીને તેનું વેચાણ કરવામાં આવી રહ્યું છે ત્યારે ગાંધીનગર પોલીસ દ્વારા આવા બુટલેગરો સામે કાર્યવાહી પણ કરવામાં આવી રહી છે સેક્ટર ૨૧ પોલીસની ટીમ પેટ્રોલિંગમાં હતી તે દરમિયાન બાતમી મળી હતી કે, આદિવાડામાં પ્રાથમિક શાળાની પાસે રહેતી રહેતી રેખા અશ્વિનભાઈ દંતાણી પોતાના ઘરે વિદેશી દારૂનો જથ્થો રાખીને છૂટક વેચાણ કરી રહી છે. જેનાં પગલે મહિલા ટીમને સાથે રાખી આદીવાડાનાં વાસમાં દરોડો પાડવામાં આવ્યો હતો.
આ દરમિયાન ઘરે કોઈ હાજર મળી આવ્યું ન હતું. જેથી પોલીસ દ્વારા ઘરની ઓસરીમાં તપાસ કરવામાં આવતા વિદેશી દારૂની નવ બોટલ તેમજ ૨૪ બિયરના ટીન મળી આવ્યા હતા. જેના પગલે પોલીસ દ્વારા સાત હજાર ઉપરાંતનો આ મુદ્દામાલ કબજે કરીને મહિલા બુટલેગર રેખા દંતાણી સામે ગુનો દાખલ કરીને તેની ધરપકડ માટે દોડધામ શરૂ કરવામાં આવી હતી. ગાંધીનગર શહેર તેમજ જિલ્લામાં છેલ્લા ઘણા સમયથી પોલીસ દ્વારા દેશી વિદેશી દારૂના બુટલેગર ઉપર દરોડા પાડવામાં આવી રહ્યા છે.
admin